Itinanggi ng kampo ni Vice President Leni Robredo ang mga alegasyong may kinalaman siya sa impeachment complaint na inihain laban kay Pangulong Rodrigo Duterte.
Ayon sa tagapagsalita ni Robredo na si Georgina Hernandez, mismong ang naghain ng reklamo na si Congressman Gary Alejano ang nagsabing Magdalo Group lang ang nasa likod ng impeachment complaint.
Malinaw rin aniyang sinabi ng kongresista na walang kinalaman si Robredo sa paghahain ng reklamo.
Si House Speaker Pantaleon Alvarez ang nagsabing si Robredo ang nasa likod ng impeachment complaint.
Ani Alvarez, nagmamadali si Robredo na pumalit kay Duterte.
