BIR commissioner Henares nasaktan sa pahayag ni Duterte tungkol sa BIR

Nasabi ni incoming President Duterte sa media na ang Bureau of Internal Revenue (BIR) ay isa sa mga pinaka maanomalyang ahensiya sa bansa.

Ayon naman kay BIR Commissioner Kim Henares ay nasaktan siya sa pahayag ni incoming president Duterte. 
"Nasasaktan ho ako para sa mga tao ko, sa BIR, kasi anim na taon ho silang nagtrabaho nang mabuti...Naiangat din namin, nila, ang estado ng bansang ito...Hindi nare-recognize [ang] efforts nila," pahayag ni Henares sa panayam ng GMA News' Balitanghali.

Isa ang BIR sa listahan ng mga ahensiyang maaaring buwagin sa ilalim ng administrasyong Duterte. Kabilang diyan ang Bureau of Customs at Land Transportation office.