Trillanes itinangging may pinaplanong destabilisasyon laban kay Pres. Duterte

Itinanggi ni Senador Antonio Trillanes IV na mayroon siyang pinaplanong kudeta o destabilisasyon.

Sa isang statement, sinabi ni Trillanes na dahil wala siyang gagawing kudeta ay wala ring kailangang pondohan.

Nagsasabi lang aniya ng katotohanan ang mga self-confessed hitman na sina Edgar Matobato at Arturo Lascañas.

Problema na umano ng administrasyon kung ‘nayayanig’ sila sa mga ibinunyag nina Matobato at Lascañas na nagdidiin kay Pangulong Rodrigo Duterte.

Sinabi rin ni Trillanes na kaibigan umano ng pangulo ang mining companies kaya hindi nito maipatupad ang mga suspension order ni Department of Environment and Natural Resources (DENR) Secretary Gina Lopez.

kaibigan din umano niya ang mga drug lord kaya’t ni isa ay wala pa aniyang nahuhuli at puro mahihirap lamang ang napapatay.